Пацинеть

Пацинеть — эрзянь пакшатнень тундонь ды кизэнь налксемась. сон ютавтови нар лангсо.

Налксицятне 6 — 12 иесэ тейтернеть ды цёрынеть, ламочист 6 — 10 ломанть (Бабине, Атине, пацинеть — весе кадовикс тейтернетне ды цёрынетне).

Налксемань кой􏰀кирдатне

Пурнавить зярыя эйкакшт, кочкить атине ды бабине. Ловомкась истямо:
Штыря􏰀баря, кахмаря,
Тусь пире киява.
Васня совась Ариснэнь,
Мейле совась Маризнень:
—Айдо Макань сайсынек,
Одирьвакс чиясынек.
—Мезде, мезде сайсынек?
—Гулькань алдо—кокадо,
Бояравань шляпадо,
Кулдор􏰀калдор шубадо.

Весе лия налксицятнень бабинесь ла􏰀 дясынзе пацякс, эрьвантень салава ёвты тюс: якстере, сэнь, пиже ды седе тов. Сынь озыть масторов. Сы атинесь.
Атинесь. Шумбрачи теть, бабине!
Бабинесь. Эрсек, атине!
Атинесь. Маринь, пацят улить?
Бабинесь Улить, ды а рамавить.
Атинесь. Монь ярмакон кавто кес􏰀
кавт. Рамасынек.
Бабинесь Рамить!

Атинесь ушоды рамсеме. Кона па􏰀цянть тюсонзо содасы, се оргоди ве ёнов. Бути атинесь сасасы, сестэ сайсы. Лия􏰀 сто пацинесь чийни тей ды тов, мейле тар􏰀 казонзо озы. Бабинесь сеске «артсы» лия тюссо. Атинесь одов снартни содамо тю􏰀 сонть. Налксить знярс, зярс а «рамсевить» весе пацятне.

Сёрм.

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 21=22.