Леонард Орбан (аштемковонь 28-це чи 1961-це ие, Брашов) — румынэнь вийкирдий ды экономист. Ламо келень коряс Европейской комиссар (2007—2010). А ашти кодамояк партиясо, ансяк вановтонзо либеральнойть ды проевропейскойть, сон Румыниянь ды ЕС-нь седе тесна интеграциянь кис.

Орбан, Леонард
Портрет
чачома чись аштемковонь 28 чи 1961(1961-06-28)[1] (62 иеть)
Чачома тарка
Мастор
Важодема ёрокчизе экономистсь, вийкирдий-ветий, инженерсь
казнеть ды медальть
кавалер ордена Звезды Румынии великий офицер ордена Инфанта дона Энрике
 Леонард Орбан

Эрямо кизэ витнемс

Чачсь аштемковонь 28-це чистэ 1961-це иестэ румынэнь Брашов ошсо. Тетязо венгра, авазо румынка. 1981-це иестэ саезь 1986-це иес тонавтнесь Брашовонь университетэнь машиностроениянь факультетсэ. Прядомадонзо мейле важодсь тракторонь заводсо. 1987-це иестэ саезь 1992-це иес тонавтнесь Бухарестэнь Экономической академиясо экономистэкс ды менеджерэкс.

1993-це иестэ саезь топавты политикань тевть. 1993 — 2001-це иетнестэ ульнесь европань ды раськеютконь тевтнень коряс парламентэнь советникекс. 2001-це иестэ теевсь ЕС-с Румыниянь совавтомадо кортыцятнень румынской командань членэкс. 2004-це иень ацамковсто сон теевсь прявт кортыцякс ды секе шкане Европейской интеграциянь министерствань статс-секретарекс.

2006-це иень ожоковонь 30-це чистэ Кэлин Попеску-Тэричану ёвтызе сонзэ Европейской комиссияс кандидатокс, Жозе Мануэль Баррозу комиссиянь президентэсь кандидатуранть примизе. Европейской парламентэнть мелензэ коряс 2007-це иень якшамковсто саезь 2010-це иень даволковс сон ульнесь ламо келень коряс кевкстемань комиссарокс. Ульнесь Румыниянь пельде васенце еврокомиссарокс.

2008-це иестэ саезь сон лезды Гёте-институтонь «Языки без границ» покш проектэнтень.

2012-це иень панжиковсто Леонард Орбан теевсьВиктор Понтань кабинетсэ Европань тевень коряс румынэнь министракс.

Кудораськезэ витнемс

Урьвакстозь, вейке эйкашозо. Людовик Орбан (чачсь 1963-це иестэ) ялаксозо истя жо теевсь политикекс.

Примечаният витнемс

Невтевкст витнемс