Нарганг, Ингрид
Ингрид Нарганг (нем. Ingrid Nargang; 1929 чадыковонь 17 чи — 2019 панжиковонь 10 чи) — австрийянь адвокат, судья ды ненец шкань историк. 1964 иестэ саезь 1993 иенть видс ульнесь Энгельхарццелльсэ Кужонь судонть прявтокс. Сон ульнесь васеньце авакс, кона теевсь велень кужонь судонть Австриянь[1] судонь системасонть.
| Нарганг, Ингрид | |
|---|---|
| нем. Alice Ingrid Annemarie Nargang | |
 | |
| чачома чись | чадыковонь 17 чи 1929 |
| Чачома тарка | |
| Кулома чись | панжиковонь 10 чи 2019 (90 иеть) |
| Кулома тарка | |
| Мастор | |
| Важодема ёрокчизе | судья |
 Ингрид Нарганг | |
Эрямопингензэ
витнемсАлиса Ингрид Аннемари Нарганг чачсь Черновцы, Румыниясо, 1929 иень чадыковонь 17 чистэ. Юронзо ульнесть австриянь пингень мастор кудораськестэ. Сонзэ покштянзо тетязо Стефан Вольф ульнесь филологокс ды куншкань школань прявтокс; покштязо ульнесь юристэкс. Кудораськезэ эрясь Черновцысасо Буковина лангсо, кона Васеньце мирэнь торпингенть прядомонть видс ульнесь Австриянь монархиянь каштанзонтень, мейле понгсь Румыния Инязмасторс ды ней аламодо ашти Украинасо (Черновцы совавтозь). Трязь ульнесь аванзо ды покшавань кедьсэ. Тетязо кадызе кудораськенть зярдо Ингриднэ ульнесь кавто иеть.
1940 иестэ, зярдо Наргангу ульнесь кемвейкее иеть, ушодовсь лия таркав озавтомась немецень ломантнень Германияв. Аванзо ды покшаванщо марто Нарганг васня пачкодсть эрямо Алце Силезияв, мейле Верьце Силезияв. Зярдо Омбоце мирэнь торпингесь прядомантень советэнь ушмовийтне пачкодьсь Силезияв, сынь оргодсть Верьце Австрияв.
Нарганг 1945 иень сёкснясто кармась якамо школав Гмунденесэ. 1948 иестэ сонзэ прядызе, кармась тонавтнеме юриспруденциянть Инсбруксэ. 1952 истэ сонензэ максозь докторонь степень. 1959 иестэ идизе докторонь диссертацию социальной ды экономической тонатнесэ.
1963 иестэ Нарганг теевсь судьякс. 1964 иестэ саезь пенсияв туеманть видс 1993 иестэ Нарганг теевевсь Энгельхарццелльсэ Кужонь судонть прявтокс. Сон ульнесь васеньце авакс, кона кармась австриянь велень кужонь судонть прявтокс.
Кода содавиксэв историк, Нарганг исскувась буковинэнь немецтнэнь историяст ды лия эрямо таркав эрицянь туицятнень Верьце Австриясо Омбоце мирэнь торпингенть мейле. Сон ульнесь Буковинань немецтнэнь Линцесэ команданть теицякс.
Мейле Нарганг эрясь Энгельхарццеллсэ, Линцсэ ды Венасо.
Кулось Шердингесэ 2019 иень панжиковонь 10 чистэ.
Лисьмапрят
витнемс- ↑ Land Oberösterreich - Landeskorrespondenz Nr. 249 vom 26. Oktober 2005(недоступная ссылка — история) (2 Аштемков 2019). Ваннозь 22 Эйзюрковонь 2020. Архивировано из первоисточника 2 Аштемковонь 2019. Архивировазь 2 Аштемковонь 2019 иестэ.