Муллуту-Суурлахт
Муллуту-Суурлахт(эст. Mullutu-Suurlaht) — нилеце покшолманть коряс эрьке Эстэнь Масторсо, ашти Сааремаа усиясонть, кавто вп чивалгомав Курессааре ошонть ёнов. Эрькенть покшолмазо 1440 га, сех домкачись малав 2,1 м[1]. Салонь коряс, те эрькесь салов веденьпурнавкс. Муллуту-Суурлахт ашти кавто пелькстэ:
- Суурлахт (Келламяе (эст. Kellamäe) — чилисемань пелькс
- Муллуту — чивалгомань пелькс
| Муллуту-Суурлахт эст. Mullutu-Suurlaht | |
| 58°14′45″ с. ш. 22°22′45″ в. д.HGЯO | |
| Мастор |  Эстэнь Мастор |
| Ёнкс | Сааремаа ёнкс |
Тунда, зярдо чады ды ведесь кепеди (1,16 м сэрьс) эрькесь вейс валнови малаквикс ведень пурнавкстнень марто: Паадла (эст. Paadla), Вягара (эст. Vägara) ды Каалупеа (эст. Kaalupea) ды покшолгамтови кавксть ды седе ламо. Эрькентень пры Насва лей (эст. Nasvа), конань кувалмазо 3 вп. Зардо чадыведь леесь чуди иневедьстэ эрькев, ды лия шкасто мекевланк. Секс эрькесэнть ламо калт, вастневить: курда, лепекал, тутко, бочкарь, ёзнэнь кал, тувокал, ужкал, вирькал, синтёпка, сиякал, нучко, пупи кал[1]. Суурлахт усиянть пелеве-чилисемань ёно ашти апек покш (3 га) усия Рахину (эст. Rahinu). Усиянть чиретне алкинеть, кевевть, човор марто. Кавто эрькенть пелькстне керязь Хидре Нукк модаулосонть (эст. Hidre nukk). Муллуту ды Вягара усиятне пек алкине чире марто , эйсэст касы нудейкс. Муллутунь пелевеёно домкачись пачкоди 0,2-0,3 м. Лембеёно, Насва леенть прамонзо ваксо, эрькенть домкачись 1,7 м. Чиренть серэсь 0,4 м, конатат теезь човор чуваронь ды рудазонь модасо. Вягара усиянть домкачись 1,1 м. Муллутас прыть Каармисе ды Кярла лейть, Суурлахт с — Унимяе леесь[1].
Лисьмапрят
витнемс- ↑ 1,0 1,1 1,2 Mullutu Suurlaht (Estonian). eestigiid.ee. Ваннозь 1 Аштемковонь 2012.