Минек пандось
Минек пандось! — эрзянь пакшатнень телень чыйнема-чарамо налксема. Налксемась моли тельня ловонь покш шушмо прясо. Налксить 8 — 14 иесэ цёрынень кавто командат. Эрьвасонть 5 — 10 ломанть. Пурнавить командатне кортнемкасо: «Маткат, маткат, кинь кевкстемась?».
Налксемань койкирдатне
витнемсЛов шушмонь пряс стявтови 2,5 — 3 м сэрьсэ куш кодамо тюсонь флаг марто жолга. Весе налксицятне карксасызь верце оршамост каркссо. Карксось — налксеманть эрявикс пельксэзэ. Бути те кой кирданть налксицясь коласы, сестэ сонзэ налксемстэ паньсызь. Маткатне каить жеребей, кона командантень улемс шушмонть прясо — ванстомс флагонть, а конась карми эцеме верев — саемс те флагонть. Налксеманть смустезэ сеньсэ, штобу седе курок пачкодемс флагонтень.
Верце командась флагонть ваксс арав ты ванстыця. Сонсь явови группань группань ды стякшны шушмованть, а каршо командантень а максы пачкодемс флагонтень. Ламот командастонть арыть сеть таркатненень, кона ёндо савкшны учомс седе виев каршо молицятнень эцемаст.
Алце командась эрьва кода снартни манямс верцетнень, штобу эцемс флагонтень. Каршо вастовозтне варчнесызь виест бороцямосонть. Тесэ улияк ютавтозь тевс карксось: эрьва пелькстыцясь кунды омбоценть карксос ды уски эйсэнзэ алов. Изни седе виевесь. Бути алце командась кузеви верев ды флагонтень оштё а пачкоди, сестэ верце командась пуроми вейс жолганть перька кедте кедьс кундсезь. Те шканть алце командась аноксты сеземс верцетнень кундсезь кедест ды окойники сайсы флагонть. Бути флагонтень ютави ансяк вейке ломань, те ули изнявкс. Зярдо алце командась топавтсы целензэ, верцесь валги алов, ды налксемась ушодови одс. Лисни истяяк, што кие бути алце командань налксицятнестэ эцеви флагонтень сеске, налксеманть ушодомсто. Сестэ верце командась апак пелькста кадсы тарканзо ды валги алов.
Сёрм.:
витнемсБрыжинский Василий Сергеевич 2002: Сиянь рисьминеть. Мордовской книжной издательствась. Лл. 32-34.