Манч (мад. Mancs, 1994—2006) — немецень овчарка, Мишкольц венгрань ошонь «Спайдер» идема службань киска. Мадьяронь кельстэ «манч» - те лапа.

Манч
Артовкс
Пол эли гендер атяка
Чачома чи 1994
Чачома тарка
Кулома чи ожоковонь 22 чи 2006(2006-10-22)
Кулома тарка
Причина смерти пневмония[d]
Представлено в работе Mancs[d]
Порода животных Немецкая овчарка[d]
 Манч
Манчнэнь кевкрунгонть вакссо цецят

Эрямопингезэ витнемс

Манч (эли кода сонзэ лемдить Манч Сатана) чачсь 1994-це иестэ. Чачсь ловажань патология марто, секс эзь налксеве лия кискатнень марто. Вишкинестэ сон уш кандтнесь кшнанькаркссто специальной растяжка. Манчэнь максызь вешниця-идиця кискань школав, косо сон лиятнеде парсте топавтсь ломанень вешнемань коряс тевенть. Сон маштсь мукшномо ломантнень, конат кадовсть живстэ модасорномадо эли сезевемадо (взрывде) мейле, но сынсь эзть лисеве валявкстнэнь алдо; истя жо сон макснесь идицятненень (спасательтненень) сигнал, эри ли ломанесь (юхаесь пулосонзо) эли кулось (маднесь мода лангс).

Манчэнь азорозо, Ласло Лехоцкий, ульнесь идемань коряс операциятнесэ 2001-це иестэ Сальвадорсо ды Индиясо, конат цидярдсть модасорнома, ды истя жо Египтасо, Колумбиясо, Венесуэласо ды Италиясо. 1999-це иестэ Манч лездась муемс ды идемс Хатира Каплан колмо иесэ тейтерненть, кона 82 част ютавтсь лондадовкс-каладовкс ало янгазь Измитсэ. 2004-це иень аштемковсто Мишкольц ошсо Синва леенть ды Синва площаденть ютксо путозель Манч овчаркантень кеврунго, авторозо Борбала Саньи. Кеврунгонтень тешкас кандтнить цецят, туристтнэ ёзыть кисканть судонзо - икелев моли тевс.

2006-це иень ожоковонь 22-це чистэ Манч кулось тевелявонь ормадо (пневмониядо). 2015-це иестэ идицятне получасть 20 иень перть ломань эрямотнень идема тевенть кис Европарламентэнь премия. 1999-це иестэ идезь Хатира Каплан ульнесь премиянть максомсто ды якась Мишкольцев, Манчэнь кеврунгонть ваксс.

Манч культурасонть витнемс

  • Dialectical Anthropology журналсо Мелинда Ковач кортась идиця ломантнень ды Манч овчарканть ён тевдест СМИсэ сёрмадовкстнэде, истя сон невтизе: Венгриясь анок лездамс лия мастортнэнень чрезвычайной ситуациясо.
  • 2014-це иестэ лиссь «Манч» фильмась, режиссёрозо Роберт Адриан Пеё. Фильманть ансяк пельксэзэ невтсь алкукс улезь тевть, секс критиктне аволь парсте вансть лангозонзо, теке марто лемдизь кудораськенек ваномань туртов пек маштовиця фильмакс. 2015-це иестэ фильмась изнясь немецень Хемницсэ «Шлингель» раськеютконь кинофестивальсэ. Германиясо сон лиссь «Мика — сехте вадря ялгат, алкуксонь герой» лем ало (нем. Mika – Dein Bester Freund ein grosser Held!).


Лисьмапрят витнемс