Левчаев, Пётр Иванович

Левчаев, Пётр Иванович
Левчаев, Пётр Иванович
чачома лем	Пётр Иванович Левчаев
чачома чись	1913 иень эйзюрковонь 1 чись
Чачома тарка	Паранза (Пейкужо буе), Спассконь уезд[d], Томбунь губерния[d], Россиянь империясь;
Кулома чись	панжиковонь 7 чи 1985 (72 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Советэнь Вейсэндявкс[d];
Важодема ёрокчизе	сёрмадей, валморозей
	Пётр Иванович Левчаев

Пётр Иванович Левчаев, чачсь 1913 иестэ эйзюрковонь 1це чистэ Паранза мокшонь велесэ — кулось Саран ошсо 1985 иень панжиковонь 7 чистэ — мокшо, сёрмадей, ютавтыця, Сёрмадыцянь Вейсэндявкссо аштиця 1934 иестэ саезь, Арневть Мордовиянь сёрмадыця.

Раськезэ

Чачсь мокшонь сокиця-видицянь раськесэ.
Чумовтомо озавтомадо мейле сонзэ кадызе низэ, кулось авазо. Омбоцеде урьвакссь Игарка ошсо, истямо жо ссыльной тейтерьава лангс Литвасто, Кальвяляй велестэ - Левчаева Бронислава Юрьевна, тосо сынст чачсь цёра - Сантяй, конась 1956 иень видс кантнесь официальнойстэ "раськень ятонь эйкакшонь" лем. Мордовияв велявтсь тетянзо марто ды прядызе Мордовиянь университетэнь историянь ды обществознаниянь факультетэнть 1975 иестэ. Калмазь тетянзо бокас. Бронислава Юрьевна ульнесь кондитер, "Ошонь сехте вадря кондитерэнь" лемень кантницякс (1960 иестэ).

Тонавнема таркатне

Прядызе сокиця-видицянь од ломанень тонавтнема тарканть. 1930-1932 иетнестэ тонавтнесь Мордовской рабфаксо. 1935-1937 Мордовской тонавтыцянь институтсо.

Чумовтомо озавтомась

1938 иень медьковонь 21 чистэ ульнесь чумовтомо озавтозь 58-10, 58-11 УК РСФСР статьянь кувалт. Максозоль витемань-важомедань лагерьсэ 8 иень аштемась Колымась, сырнень шлямосо. 1949 иень панжиковонь 25 чистэ од чумочинь апак ёвта кучозель эрямо Красноярской краентень, Игарка ошонтень. Важодсь тосо цётыцякс, тайгань зёлтсо калонь кундыцякс. Те эрямось ульнесь ёвтнезь "Тайгань китть-янтт" рузкс сёрмадозь повестьсэ. Ёвтнемась моли Паол Сарайкин цёракайненть пельде.
Маронзо ссылкасольть чеченэнь валморозей Магомед Мамакаев ды Алексей Машков.
Чумозо каявтозель 1956 иестэ.
1948 иень панжиковонь 22 чистэ истяжо озавтозель Бурокас Броня Юргине, чачоманзо коряс ульнесь литвань тейтерьава. Максозоль 6 иень эрямо Краснодарской крайсэ. Тосо сон каршовастызе Петрань ды ссылкасо 1951 иестэ якшамковонь 23 чистэ чачсь цёраст - Сантяй (Левчаев Александр Петрович).

Важодемазо

1934 иестэ зярдо тензэ топодсть 21 иеть ульнесь совавтозь Сёрмадыцянь Вейсэндявксос, тосо аштемань билетэнть тешкстызе сонсь М.Горький. Чумовтомо озавтоманть икеле кенерсь аламос важодеме "Од веле" кулялопасонть, Пиченя (Пейкужо буе) эрзянь велесэ тонавтыцякс. Чумонь каявтомадо мейле велявтсь Саран ошов ды кармась "Мокшонь правдань" кулялопанть ды "Мокша" ловномапусмонть витницякс. Ушодокшнызе сёрмалеманть кода валморозей, седе тов поладсь сёрмалеме проза.
Васенце валморозо лиссь 1930 иестэ "Од веле" кулялопасо, лемезэль "Тонафтнема". Теде мельга кармасть лисеме книганзо. Ламо важодсь А. С. Пушкинэнь, М. Е. Салтыков-Щедринэнь, Н. В. Гоголень, Л. Н. Толстоень мокшонь кельс ютавтома лангсо.
"Даволхт" книгазо лиссь 1936 иестэ, омбоце книганть лисемась ульнесть ансяк 1959 иестэ - "Вирсь увнай", не кавто книгатнень юткошкасто сонзэ книганзо а мерельть нолдамо.
Валморот:

Аф кельгома цёрати (1934, сборник «Од вий»)

Ков молят (1931, сборник «Васень аськолкс»)

Колхоз, ульхть анок (1932, сборник «Васень аськолкс»)

Коса тяфта (1931, сборник «Васень аськолкс»)

Кштимань (1934, сборник «Од вий»)

Мамазень сёрмац (1932, сборник «Васень аськолкс»)

Омбоцесь (1931, сборник «Васень аськолкс»)

Тонафнема («Учёба», 1930, газета «Од веле»)

Ударникти (1934, сборник «Од вий»)

Ёвтнемат:
Гарри Аизманць — ялганеськ (1934, сборник «Од вий»)

Исть козякадов... (1934, сборник «Од вий»)
Ловномапусмот:

«Васень аськолкс» («Первые шаги», сборник мокш. поэтов, 1932)

«Од вий» («Новая сила», сборник стихов и рассказов мокш. авторов, 1934)

«Кяж» («Кеж», повесть, 1935)

«Сяпи шит» («Сэпей чить», повесть, 1935)

«Ушеткс» («Ушодкс», ёвтнемань пусмо, 1935)

«Даволхт» («Даволт», 1936)

«Расскаст» («Ёвтнемат», 1936)

«Тайгань азор» (рузкс, 1958)

«Вирсь увнай» («Вирь увны», 1959)

«Повестть и расскаст» («Повестть ды ёвтнемат», 1962)

«Тайгань лангсо шалтт» (рузкс, 1966)

«Стирнят-якстернят» («Тейтерть-мазыйкат», роман-дилогия, 1967, 1983)

«Аляшка цёрокш» («Виев цёракайне», 1969)

«Сырнень поколь» (рузкс, 1970)

«Золотань калня» («Сырнень кал», 1971)

«Малиновый чиньстямо» (рузкс, 1971)

«Тайгань китть-янт» (рузкс, 1973)

«Мани сёксе» («Чикав сёксь», 1985)

Лецнемат:
"Мекс мон эзинь куло" (1985)

Кулось Саран ошсо 1985 иестэ, калмазь тоско.

Лисьмапрят

https://gapeenko.net/bibliography/10013-pyotr-levchaev-ob-igarke-i-svoej-sudbe.html
http://mordovlib.ru/levchayev_p_i.htm
https://bessmertnybarak.ru/levchaev_petr_ivanovich/
https://bessmertnybarak.ru/levchaeva_bronislava_yurevna/
bessmertnybarak.ru/levchaev_aleksandr_petrovich/
https://bessmertnybarak.ru/levchaeva_bronislava_yurevna/
https://vk.com/@-193272375-levchaev-petr-ivanovich