Куруш (Докузпаронь буе)

	Куруш
Мастор	Россия Мастор;
Является административным центром	Село Куруш[d]
Административно-территориальная единица	Село Куруш[d], Докузпаринский район[d] ды Самурский округ[d]
Часовой пояс	UTC+3
Численность населения	▲813 лом. (2024);
Высота над уровнем моря	2560 метр
Почтовый индекс	368684
Официальный сайт	kurushar.ru
	Куруш

Куру́ш — Дагестанонь Докузпарин буесэ веле.Теи Куруш веле сельской поселения кода эйсэнзэ вейкине эрямо тарка.

Косо сон ашти

Ашти Шалбуздаг пандонть чинеле-чилисема ёнксонь чиресэ Усухчай леенть лаймесэ, Усухчай веленть эйстэ 17 вп седе чинеле-чивалгома ёно.

Эрицятне

Умонь шкасто саезь Курушонь эрицятне явовить раськень патронимс — тухумт (тюркакс), эли уймахт (лезгинэкс): Хайтакьар, Гьилевар, Тетецьар, Фалакьар, Къызырар, Къиртар, Мисрияр, Зангъавар, Авурар, Кьулдурар, Хебешар, Чувалар. Велесь явови кварталга : Пагъвай кьилер, Вене кьилер, Къиртар ды Камавайбур.

Историясь

XVII-це пингестэ Курушсо эрясь Лезги Ахмед ашугось. 1886-це иестэ Курушсо 4761 эриця лангс (эйстэст 2536 цёрат, 2225 ават) ульнесть 718 кудот-кардазт. Кирдсть 71451 реве, 1767 алашат, 2189 прят скалт-мезть. Аулсонть ульнесть весемезэ 12 ведьгевть, 41 кодыцят (ткачт), 6 ломанть понань кендень теицят (войлочникть), 2 артыцят (красильщикть), вейке кемень стыця-витниця, 4 плотникть, 3 ремесленникть, 3 стыцят, 1 оружейник ды 8 музыкантт. Пингеде пингес курушонсетне кирдсть ракшат, видсть розь, пинеме, чичавка. Эстест ды миемань туртов анокстасть сумань, кумбот, киякспацят, понань кендеть, гайцян, ревень кедь, понань цюлкат, сыра, ой. 1907-це иестэ Курушонь общинанть ульнесть 90 тёжат прят ревензэ ды сеянзо.^[3] 1920-це иестэ Курушсо панжозель неграмотностень ликвидациянь куро. Мейле текень лангс панжсть кавто классонь школа. 1924-це иестэ панжсть вете классонь школа. Тонавтсть сеть иетнестэ кудосо, школань кондятт арасельть. 1930-це иестэ Курушсо важодсь сисем иень школа. 1931-це иестэ Курушсо теезель васенце колхоз. Отечествань Ине войнанть шкасто Курушсто армияв саезельть 570 ломанть. Войнань иетнень перть тюремань паксясо ды госпитальсэ кулость 325 ломанть, ёмасть (без вести) 70. Кудов эзть велявто весемезэ 395 курушонь ломанть.

1952-це иестэ седе ламо эрицятне ютавтозельть эрямо Хасавюрт буень Куруш (Новый Куруш) велес. Азербайджанонь республикань Еленовка, Ахед, Агязы, Сефербине велетнень седе ламо эрицятне - Курушсто сазь ломанть.

Кайтагонь уцмийтнень документтнэстэ вейкесэнть ширваншах пеняци Эльчав племянникенстэнь лезгинэнь кайсевематнень лангс, те сюлмавозь сынст" пандонь китнень лангсто сеедень валгомаст марто, Фий, Маза, Куруш ды Хиналуг велетненень неявома таркасо».

Примечаният

Курушось - Северной Кавказсо, Россиясо ды Европасо пандонь сехте сэрей эрямо тарка (бути ютавтомс грань Европанть ды Азиянть ютксо Кавказонь пандокарязга (хребтка), ашти 2560 метрань сэрьсэ иневеденть уровнянзо велькссэ. Теде башка, те эрямо таркась масторсонть сехте чинелень^[4].

Куруш аулстонть альпинисттнэ кузнить Базардюзю (4466 м), Шалбуздаг (4150 м) ды Ерыдаг (3925 м) пандотнень пряс.

↑ ^1,0 ^1,1 ОКТМО (руз.)
↑ Численность постоянного населения Российской Федерации по муниципальным образованиям на 1 января 2024 года Федеральная служба государственной статистики (27 апреля 2024).
↑ Монография по материальной культуре лезгин в XIX нач. XX в.(недоступная ссылка — история). Ваннозь 27 Умарьковонь 2013. Архивировано из первоисточника 14 Ацамковонь 2013. Архивировазь 14 Ацамковонь 2013 иестэ.
↑ Лист карты K-38-108 Хачмас. Масштаб: 1 : 100 000. Указать дату выпуска/состояния местности.

Невтевкст

[_9d55e1fcf7ebbdae-1] 1,0 ^1,1 ОКТМО (руз.)

[_a0b57554c7f7439c-2] Численность постоянного населения Российской Федерации по муниципальным образованиям на 1 января 2024 года Федеральная служба государственной статистики (27 апреля 2024).

[3] Монография по материальной культуре лезгин в XIX нач. XX в.(недоступная ссылка — история). Ваннозь 27 Умарьковонь 2013. Архивировано из первоисточника 14 Ацамковонь 2013. Архивировазь 14 Ацамковонь 2013 иестэ.

[4] Лист карты K-38-108 Хачмас. Масштаб: 1 : 100 000. Указать дату выпуска/состояния местности.

[1]

[2]

[3]

[4]