Куликсэ

Куликсэ — эрзянь пакшатнень телень ды кизэнь чыйнема-чарамо налксемат. Налксить группасо 6 — 10 иесэ цёры􏰀 неть ды тейтернеть 2 — 4 ломаньстэ. Налксеманть лемдизь, паряк, гайтенть коряс, кона тееви чавома палкасонть вишка палкиненть эшкемстэ. Теке марто те гайтенть эйсэ ды вишка палкиненть ливтямосонзо ули чачонь неема ёмболкс нармушкадо, конанень рузкс мерить «кулик», а эрзякс — «кича», «ведьгича». «Кича», «гича» валсо лемдезь лия налк􏰀 семась, конанень истя меритькак — «Ги􏰀 часо», конаньсэ налксемань ве кедьёнк􏰀 сокс улияк те а покш палкинесь.

Налксемань кедьёнкстнэ

• Чавома палка, пешкс чувтонь, 70 — 80 см кувалмосо, 2 — 2,5 см диаметрасо.
• Кулик — а покш палкине 16 см кувал􏰀 мосо, керязь теке чавома палкастонть.

Налксемань кой-􏰀кирдатне

Налксема паксясонть черькстави ниле ужосо кундо, покшолмазо 100х100 см. Жеребеесь каяви чавома палкань вельде: налксицясь, кинь кедезэ васенцекс то􏰀 кась палканть верце пезэнзэ, ушодсы налксеманть. Лиятне кармить чавомо мельга􏰀мельцек: омбоцекс се, кинь кеде􏰀 зэ арась верде омбоцекс, ды истя седе тов. Жеребеень каямсто сыть ве мельс, зяро очкат эряви теемс, штобу улемс из􏰀 ницякс налксемань васенце пелькс􏰀 сэнть. Сеедьстэ те эрси 15 — 20 очкат: куликенть чавома палкасонть эрьва эш􏰀 кемась ловови вейке очкакс. Налксемасонть кавто пелькст.

Васенце пельксэсь

Жеребеенть каямодо мейле васенце налксицясь ары кундонть куншкас, сю􏰀 вордасы вить кедьсэнзэ чавома палканть верце пестэнзэ, оляс кадсы ансяк верце пенензэ. Те пененть трокс мокшнанзо лангс путови куликесь. Теде мейле сон ёртсы куликенть аламнеде верев ды сеске чавома палканть алце песэнзэ эшксы куликенть паксянть ёнов. Омбоце налксицясь кепедьсы кули􏰀 кенть прамо таркастонзо ды ёртсы сонзэ кундонть потс. Бути куликесь понги кундонтень, сес􏰀 тэ чавомо ушоды омбоцесь, а колмо􏰀 цесь — одямо, мейле колмоцесь карми чавомо, а нилецесь — одямо. Нилеце􏰀 денть мейле одямо ушоды васенцесь, бути кортазь 15 — 20 очкатне тензэ эзть саеве. Бути одицянть ёртомадонзо мейле ку􏰀 ликесь эсь понго кундонтень, сестэ ча􏰀 вицясь кучсы куликенть паксянть ёнов се таркастонть, козонь сон прась оди􏰀 цянть ёртомадонзо мейле. Зярдо кияк налксицятнестэ пурнынзе эрявикс очкатнень, васенце пельксэсь прядови.

Омбоце пельксэсь

Те пельксэсь невтьсы, кие налксицят􏰀 нестэ сехте докась. Изнямс тесэ а шож􏰀 дыне — весенень сави пек ламо чийнемс. Тевесь моли истя: изницясь путсы кули􏰀 кенть чавома палканть лангс ды карми эйсэнзэ аволь виевстэ эшксеме. Эшкси сень самс, зярс куликесь а пры масторов. Зяроксть эшксы, зняроксть изницятне терявтыть мадстемс куликенть кундонть потс. Бути изницянтень куликесь весть􏰀 как эзь эшкеве, сестэ налксемась теньсэ прядовияк. Теде мейле ушодови од кон. Кадовозтнень веркачист ванкшнови истяня. Изницясь ары кудонть куншкас, сайсы чавома палканть алце педе, покш сурсонть лепштясы палкантень кули􏰀 кенть, эрязасто ёртсы сонзэ верев ды виев эшкемасо кучсы паксянтень ков мелезэ: витьстэ, витев, кершев. Одицят􏰀 не ёртовить куликенть кундамо. Бути ливтямсто сонзэ кияк кундасы, сестэ кундыцясь тееви чавицякс. Сон истя жо, куликенть эшксезь, терявты содамс, зняроксть карми пансеме одицятнень куликенть мельга. Истя ули эрьванть марто, кинень кундамс куликенть лив􏰀 тямсто. Ансяк кундамс куликенть а шождыне: кияк а содасы, кона ёнов ку􏰀 ликесь ули панезь. Икелепелев кортавт􏰀 сызь вейкенть: удалов а чавомс. Бути куликесь киненьгак а кундави, се􏰀 стэ куликенть мастордо кепедицязо ёртсы сонзэ кононтень. Ансяк изницясь а максы тень теемс: сон а учи, зярдо куликесь пры масторов. Каршо эшкемасо сон паньсы куликенть кундонть эйстэ мекев паксяс. Ды те ули се шкас, зярс куликесь а сови кундонтень зняроксть, зяроксть сон эшкезель изнязтнень веркачист ванкш􏰀 номадост икеле.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 40-42.