Коринфский, Михаил Петрович

Михаил Петрович Кори́нфский (алкуксонь буелемезэ Варенцов; 1788, Арзамас — 1851-це иень аштемковонь 22 (8)-це чи, Казань) — россиянь архитектор, зодчей, коллежской асессор.

Коринфский, Михаил Петрович
чачома чись	1788
Чачома тарка	Эрзямас, Нижегородское наместничество[d], Россиянь империясь
Кулома чись	1851
Кулома тарка	Казань ош, Россиянь империясь
Мастор	Россиянь империясь
Важодема ёрокчизе	архитектор
Михаил Петрович Коринфский

Эрямопингезэ

Михаил Петрович Варенцов чачсь иконостасонь керсиця кудораськесэ, арзамасонь мещанин, эрзя. Тонавтнесь А. В. Ступинэнь художественной школасо. 1808-це иестэ Коринфской цидярдсь экзамент ды кармась тонавтнеме Петербургонь художествань академиясо, А. Н. Воронихинэнь архитектурань классо, конань прядомадо мейле лемдявсь 14-це классонь художникекс. Ёрокчинзэ кастась Санкт-Петербургонь Казанской соборонь, А. С. Строганов графонь кудонь, Зиновьевень дачанзо ды лиянь мезень путомасо-стявтомасо.

1810-це иень умарьковонь 27-це чинь Художествань академиянь Советэсь ваннынзе ды шнынзе Арзамасонь туртов Воскресенской соборонь плантнэнь, конатнень невтинзе Коринфской.1810-це иень ацамковонь 22-це чистэ те архитектурань композициянть кис Михаил Петровичнень макссть сиянь васенце медаль.

1814-це иестэ Арзамассо ушодови Коринфскоень планонзо коряс Воскресенской соборонь стявтомась. Теке жо иестэнть Коринфской панжи Арзамассо художественной архитектурной училища. 1813-це иестэ саезь 1823-це иес арсесь-тейсь ды стявтсь эсензэ проекттнэнь коряс эрьва кодат кудот Нижегородской, Пензань ды Симбирень губерниятнесэ. 1823-це иестэ саезь 1832-це ие видьс служи губернской секретарекс Симбирень Дворянской собраниясо. Те шкастонть сонзэ проекттнэнь коряс Симбирскойсэ ушодови Свято-Троицкой кафедральной соборонь стявтомась, тевень вечкема кудонь (дом трудолюбия), губернской гимназиянь, удельной конторань ды лиянь мезень одс теемаст. 1825-це иестэ Свято-Троицкого Симбирской кафедральной соборонь проектэнть кис тензэ макссть Художествань академиянь «аравтозь» («назначенной») академикень лем, 1830-це иестэ кемекстызь действительной академикень лемсэнть.

1833-це иестэ Коринфской стясь Казань ошсо Особой строительной комитетэнь прявтс. Эсь проектэнзэ коряс сон стявты обсерваторииянь, Казанень университетэнь тонавтнема комплексэнть туртов анатомиянь театра, ванны-теи Арзамасонь уездной училищань лангонь плантнэнь.

Кулось Михаил Петрович Казаньсэ 1851-це иестэ. Калмазь Арской калмолангсо Анастасия Александровна (1862?) нинзэ марто.

Архитекторонть теевксэнзэ

Ледстнемазо

• Казаньсэ ули сонзэ лемсэ куринка .

Литературась

• Коринфский, Михаил Петрович // Корзинка — Кукунор. — М. : Советская энциклопедия, 1953. — С. 5. — (Большая советская энциклопедия : [в 51 т.] / гл. ред. Б. А. Введенский ; 1949—1958, т. 23).
• Памятники истории и культуры Горьковской области. — Горький: Волго-Вятское кн. изд-во, 1987.
• Филатов Н. Ф. Нижний Новгород. Архитектура XIV — начала XX века. — Н.Новгород: РИЦ «Нижегородские новости», 1994.
• Ульяновская -Симбирская энциклопедия, Том 1. Ульяновск: Издательство "Симбирская книга", 2000. ISBN 5-8426-0224-5
• Егерев В., Архитектор М. П. Коринфский, Казань, 1961.
• Маризь Кемаль, "Масторов нолдасынек сюкпрянок...": эрзянь покшчить, эрямонь-аштемань койть, литературань чокшнеть, эйдень налксемат, морот, статьят / Маризь Кемаль. Саранск, 2013.