Копачки Рит
Копачки Рит (хорв. Kopački Rit) — пертпельксэнь паркось Бараньесэ, Хорватиянь чилисемаёно. Аши Сербиянь ваксо, пелевеёнкс-чивалгома ёнов таркастонть Драва леенть Дунайс прамстонзо ды пелевеёно-чилисемаёно Осиекасто. Покшолмазо парконть 17 700 га. 1976 иестэ сех питней фаунань парконть пельксэсь 8000 га покшолмасо ульнесь максозь зоологиянь заказник алкс.
Сех покш пертпельксэв парконть пельксезэ вельтязь ведень-чеень таркатнесэ, Копачки Рит — сон сех покш ды вадрясто ванстозь ды апак токше эрькень-чейень ландшафтонь тарка Дунайень чудемасонзо. Паркось ды сонзэ чейтаркатне малавиксэв Рамсаронь конвенциянть коряс. Таркатне совавтозь орнитологонь буетнень спискас — IBA (Important Bird Area). Копачки Рит истяжо тонгови Весемирэн ЮНЕСКО-нь тевкадовксонь спискас.
Тесэ пек вадря орнитофаунась. Тесэ пизеть витнить-путыть малав 260 видт нармунть (уле гала, ашо ды раужо аистт, [[Чеядавксонь карциган|чеядовксонь]] ды [[Лугань карциган|лугань карцигант]], [[Ведьчирень карциган|ведьчирень карциган]], [[Ашо пуло тумо атякш|ашо пуло тумо атякш]], покш баклан, [[Якстере-сэнь нармунь|якстере-сэнь нармунь]], [[пиже шекшата|пиже шекшата]], [[Нурьги пизэнь теиця озяз|Нурьги пизэнь теиця озяз]], эрьва кодамо видт сенксть, леень транзейть, транзейть, яксяргот, ведтчикат ды ламо лият). Ламо нармунтне тесэ оймсить телень-кизэнь модасто-модас ливтнематнень юткова. Кой-кона нармуньтне тесэ ашкодыть колониясо.
Эрькетнесэ ды парконть сёлтнесэ эрить 40 видт калт (нучко, вирькал, тутко, чалган, карпа, синей, судак, ужкал ды с. т.). Вирьтнесэ эрить — сярдот, идем сеят, идем тувот, чинеметь, чомболкст, ашо ривезть, вирень катка, нерьгаз, выдра.
Паркось панжадо экскурсиянь якамо-пакамо. Ансяк питнень коряс. Калонь кудамось ансяк лицензиянь коряс ды таркатнесэ, конат максозь тень коряс.