Колядёнков, Михаил Никитич
Михаи́л Ники́тич Коля́дёнков (1896-це иень панжиковонь 21-це чи, Ицял, Нижегородской губерния — 1967-це иень умарьковонь 5-це чи, Саранск) — советэнь кельсодый, тонавтыця; филологиянь наукань доктор, профессор. Эрзя[1].
| Колядёнков, Михаил Никитич | |
|---|---|
| чачома чись | панжиковонь 21 чи 1896 |
| Чачома тарка | |
| Кулома чись | умарьковонь 5 чи 1967 (71 ие) |
| Кулома тарка | |
| Мастор | |
| Важодема ёрокчизе | тонадей |
| казнеть ды медальть |
   |
Эрямо кизэ
витнемсЧачсь 1896-це иестэ Ицял велесэ. 1914-це иестэ прядызе Порецкоень учительской семинариянть[1], 1925-цестэ — Нижегородской педагогической институтонть[2].
1925—1935-це иетнестэ роботась Ицялонь ды Цёлпановань ушодома школань тонавтыцякс, топавтсь прявтонь тевенть Алтышева велень опорной школасо, мейле — Ардатовской педагогической техникумсо[3]; ульнесь Лукояновань ды Саранской народной образованиянь уездной отделэнь школань инспекторокс.
1935—1937-це иетнестэ тонавтсь рузонь ды эрзянь кельс А. И. Полежаев лемсэ Мордовской педагогической институтсо келень ды литературань факультетсэ; теке шкане 1937-це иестэ прядызе Келень, литературань ды историянь НИИнь аспирантуранть[1].
1937-це иестэ саезь куломозонзо важодсь Келень, литературань ды историянь Мордовской НИИсэ: научной сотрудник, 1946-це иестэ саезь — эрзянь-мокшонь языкознаниянь секторонь прявт.
Ульнесь кочказь Мордовской АССР-нь Верховной Советэнь депутатокс (1955), 5-це созывень СССР-нь Верховной Советэнь Национальностень Советэнь депутатокс (Мордовской АССР-нть пельде) (1958—1962)[4].
Кулось Саран ошсо 1967-це иестэ.
Наукань тевензэ
витнемс120-де ламо научной ды учебно-методической важодемань автор.
Топавтсь тев «Рузонь-эрзянь валксонть» (1948), «Эрзянь-рузонь валксонть» (1949), «5—6 класстнэнь туртов рузонь келень грамматиканть» (1949) анокстамсто; витнесь эрзянь диалекттнэнь коряс очеркень ниле томтнэнь (1961—1968).
Казненензэ
витнемс- Ленинэнь орден
- «Знак Почёта» орден
- «За доблестный труд в Великой Отечественной войне 1941—1945 гг." медаль
- Мордовской АССР-нь наукань заслуженной деятель.
Примеченият
витнемс- ↑ 1,0 1,1 1,2 Мордовские языки: энциклопедия / науч. ред. А.Н. Келина, А.В. Чернов; редкол.: В.А. Юрчёнков (пред.) [и др.]; НИИ гуманитар. наук при Правительстве Республики Мордовия. — Саранск, 2012. — 384 с. ISBN 978-5-900029-93-1(руз.)
- ↑ Мордовский университет.
- ↑ Техникум был преобразован в училище в 1937 году; закрыто в 1956 (см.: Педагогические училища(руз.). Мордовия. Ваннозь 23 Таштамковонь 2018.).
- ↑ Депутаты Верховного Совета СССР V-го созыва 1958—1962(руз.)(недоступная ссылка — история). Справочник по истории Коммунистической партии и Советского Союза 1898—1991. Ваннозь 23 Таштамковонь 2018. Архивировано из первоисточника 25 Ацамковонь 2012.
Невтевкст
витнемс- Депутаты Верховного Совета СССР. — Изд-во «Известия Советов депутатов трудящихся СССР», 1958. — Т. 5. — С. 196.
- Коляденков Михаил Никитич(руз.)(недоступная ссылка — история). Мордовский государственный университет им. Н. П. Огарева. Ваннозь 23 Таштамковонь 2018. Архивировано из первоисточника 23 Таштамковонь 2018. Архивировазь 23 Таштамковонь 2018 иестэ.