Кирькс оска

Кирькс оска — эрзянь пакшатнень телень ды кизэнь чыйнема-чарамо налксема.

Налксемань кой кирдатне

Налксицятне черькстыть покш кирькс, явовить кавто вейкеть командава ды кортасызь, кинень арамс кирьксэнть потс, а кинень — кирьксэнть ушов. Сеть, кить кадовить ушос, арыть кирьксэнть перька вейкетьстэ ды ушодыть эшксеме оскасонть кирькс потсотнень. Бути кияк кирькс потсотнестэ осканть кундасы, а мейле те оскасонть эшксы киньгак ушосотнестэ, то те налксицянть карми улеме таштазь очказо. Бути ильведи, то сестэ кирьксстэнть лиси. Зярдо оскась токшесынзе весе кирькс потсо налксицятнень, ушосотне полавтсызь карькс потсотнень марто эсь таркаст.

Налксемань лувтне

Оскась кундсеви ансяк коштка ливтямсто, мастордо кепедезесь а ловови. Оскасонть эшкезтне кирьксстэнть лисить. Налксицясь, конась кундызе осканть ливтямсто ды эйсэнзэ токизе ушосо налксицянть, кадови кирьксэнть потс.

Сёрм.:

• Брыжинский Василий Сергеевич 2002: Сиянь рисьминеть. Мордовской книжной издательствась. Лл. 91.