Грузинэнь раськень киштема
Грузинэнь раськень киштема — киштемань искусства грузинэнь раськенть.
Грузинэнь раськень киштеманть умоконь пингень юр. Те кемекстыть ламочинь историкань лисьмапрят ды археологиянь муевкст[1].
Грузинэнь сыметне эрясть раужоиневедень чиренть чилисема ёнксонть христианствань знярыя пингень икеле. Страбон кезэоеньгрекень географонть важодевксэнзэ улить мазыйстэ невтезь-сёрмадозь грузинэнь язычествань койтьнень, конататьнесэ улить киштемань пелькст. Грузинэнь киштематне ульнесть чапазь-теезь кода нарскень теемань[1] элементэкс.
И. А. Джавахишвилинь академикэнть коряс, «Лампроба» киштемась те Ковонтень ознома. Истят озноматне ды лият сокамо-изема киштематне, истят кода сванонь «Адрекилай» эли «Сакмисай», конатат ульнесть алтазь Норов пазонтень[1].
Содави, 4 пингенть м. э. икеле грузинэнь сыметнесэ вастневсть светской седямось. Чанонь сыметне туюрематнень ушодыльть ушмодеень моросо ды киштематнесэ[1]. Кода сёрмады И. А. Джавахишвили:
Оригинальной текст (руз.)наличие хороводного строя зрелищ ряженных, данные о танцах, свидетельствующих о развитии хореографической культуры, певческой музыки и духовых инструментов, наличие музыкальных ансамблей, скульптурные изображения ряженных, находка при археологических раскопках театральной маски античной эпохи и факт существования театра и ипподрома в Колхиде говорят о развитии зрелищной культуры в Грузии от мистерий, игр и танцев в античную эпоху — вплоть до наличия специального театрального здания и ипподрома[2]
Киштематьне теевсть эрявиксэв пельксэкс грузинэнь раськенть эрямонзо. Кода кемексты И. А. Джавахишвили:
XIV пингень васенце пельксэнть «Лампроба» ды «Мргвали», лиякс кужонь морот ды киштимет (шаиреби), истя ульнесть истожазь инязоронь кардайсэ...
Оригинальной текст (руз.)до первой половины XIV века «Лампроба» и «Мргвали», т. е. хороводы с пением и танцами (шаиреби), были настолько незыблемо укоренены при царском дворе, что не щадили даже прижимистых и скупых правителей и во время «шаироба» надсмехались над ними и злословили на их счёт[2]
Хоронь ды морамонь седямось ульнесь апак сезэвикстэ сюлмазь киштема марто[2]. Ламо ветийтне-содыйтне сюлмавтыть киштеманть ды важодеманть ды лия эрямо пелькстнэнь марто. Истя появасть киштемат, конатат невтильть ракшань якамонть, кужоньветемат, невтильть оцинямот, модасо важодемат ды лият[3].
Грузинэнь киштематне састыне лиякстомильть, истя появасть ушмодеень, полань саемань, вечкемань, симемань-ярсамонь, налксемань[3].
Куншкапингень шкасто киштемась теевевсть седе ёроковт, виевть, сынст невтить инязортнень ды феодалтнень инекудотнесэ. Те шкастонть теевить скямонь (сольнойть) ды ялгацек киштемат. Кемекставить канонь киштемань шаштомат[3].
Грузинэнь раськень киштематненень путовить: Картули, Мтиулури, Перхули, Хоруми, Мцкемсури, Мхедрули, Мохеури, Церули, Сахумаро, Земкрело, Самая, Долури, Салхино, Багдадури, Сашаиро, Цартмевиа, Шушпари, Сааршико, Ханджлури, Сатамашо, Сакечнао, Гандаган, Гергетула, Давлури, Набдура ды лият. Грузинэнь кужоньветямо киштиматне: «Мзе шина да мве гарета», «Ушгуласи», «Кавсан Кипиане», «Шаиама шамарера», «Шинаворгил», «Амиран», «Адрекилаи» ды лият[4].
Грузинэнь киштемасонть улить знярыя эсьневтемат. Цёра ломантне невтить виест, веркаст ды мараляньчист. Цёрань киштемасонть ламо казямо шаштомат: пурдамот, кирнявтомат, пильгесурсо ды кумажасо шаштомат. Авань киштемась — стамбарнэ ды мазый[4]. Ды виев тарка киштемасонть налкси раськень оршамопель.
2010 иестэ раськень киштематне кармавтовить тонавтомат Грузиянь[5] школасо.
Киштемат витнемс
Картули, лиякс содави кода лезгинка[6], сех содавиксэв грузинэнь ялгацек киштема[7]. Киштемань седямонь покшолмась 6/8[6]. Киштеманть ушоды цёрась, ды теде мейле сон терди тейтеренть[7].
Церули — те коень пандоньэриень киштема. Сонзэ киштить ансяк цёрат, ды ушодомсто прядомс пильге сурсо. Киштить скямосто,ялгацек киштемасо эли вейсэ. Кавто меельцетнесэ те лиси пелькстамо[8].
Давлур-Мтиулури — это цёрань ды тейтерень лирань киштема. Сон тееви кавто сюлмавозь пелькстэ: стамбарнэнь «давлури» ды эрязастонь «мтиулури». Васеньце пельсэсь те вечкуматнень вастома, омбоцесь невти ёжост лиякстоманть, оймень талноманть[9].
Хоруми те сэх содавиксэв ушмодеень киштема. Сон чачсь грузинтнень ятнень марто туреманть шкасто. Хоруминть кишти ансяк цёра ломань, ды улицятнеде эряви аволь кавтов явовицякс (3, 5, 7, 11 ды седе тов). Киштемась явови ниле пельксэв: «вадря таркань вешнема авасоло яттонь аштемастонть», «ванстнема», «поркстнема» ды «изнема»[10].
Литературась витнемс
- Борзов А. А. Танцы разных народов СССР. — М.: ГИТИС, 1988.
- Джавришвили Д. Л. Грузинские народные танцы. — Тбилиси: Государственное издательство «Сабчота Сакартвело», 1958.
Лисьм.: витнемс
- ↑ 1,0 1,1 1,2 1,3 Джавришвили, 1958, с. 9.
- ↑ 2,0 2,1 2,2 Джавришвили, 1958, с. 10.
- ↑ 3,0 3,1 3,2 Джавришвили, 1958, с. 11.
- ↑ 4,0 4,1 Джавришвили, 1958, с. 12.
- ↑ Саакашвили обучит школьников грузинским танцам. Lenta.ru.
- ↑ 6,0 6,1 Картули // Большая советская энциклопедия: [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 7,0 7,1 Джавришвили, 1958, с. 131.
- ↑ Джавришвили, 1958, с. 169.
- ↑ Джавришвили, 1958, с. 187.
- ↑ Джавришвили, 1958, с. 226.