Гелатонь монастыресь

	Гелатонь монастыресь
	груз. გელათის მონასტერი
Ушетфоль	1106
Основатель	Давид IV[d]
Мастор	Грузия Мастор;
Административно-территориальная единица	Кутаиси ош
Христианский литургический обряд	Грузинская православная церковь[d]
Статус наследия	часть объекта всемирного наследия[d] ды Культурные памятники национального значения Грузии[d]
Площадь	4,2 гектар;
Официальный сайт	whc.unesco.org/en/list/7…
Критерий Всемирного наследия	(iv)[d]
Страница учреждения на Викискладе	Gelati Monastery, Kutaisi, Georgia
Категория для людей, похороненных здесь	Категория:Похороненные в Гелатском монастыре[d]
	Гелатонь монастыресь

Пазонь Авань Гелатонь монастыресь, Кутаиси ошонть маласо — прявт, сехте содавикс кезэрень пингень Грузиянь монастырь. Те церкувань ды культурань куншка, каталикосонь эрямотаркась XVI пингень 2це пельксстэ саезь ды 1814 иень видс. Сови Весе Масторонь наследияс (1994).

Монастыренть путыцязо Давид IV Вачкиця инязорось. 1106 иестэ сонзэ тозонь калмизьдяк. Церкувасонть вачкасть 1125 иень видс ды теде мейле 5 иеть мазылгавтсть эйсэнзэ мозаикасо. Неть мозаикатне неень шкане лововить сехте вадрякс Кавказсо. Се шкане монастырьсэ аштесь Гелатонь академиясь. Академиясо аштицятне явсть пек покш мель кезэрень грекень философиянень.

XIII пингестэ монастрентень вачкасть св.Николаень ды св.Георгиень церкуват ды теде башка колмо ярусс баягань чавоматарка. Стенатнень артовкстнэ теезельть эрьва кодамо шкасто: XII пингестэ саезь XVIII пингенть видс. Эсь лангс мелень вешицят – инязортнень чамань ды рунгонь артовкст. Седеикеле церкувасонть ванстовсть пек ламо питней пазават ды лият церкувань кедьгеть. Советэнь шкане сынь весе явшазельть музейга.

Мозаикась

2014 Imeretia, Gelati, Monastyr Gelati (34)

Монастырень церкувасонть аштить Грузиянь сехте покш мозаикатне. Сынь сравтовить стенадо стенас ды невтить, кода Византиясо озность Пазнэнь ды инязортненень. Кода васенцеде кармасть витнеме-петнеме мозаикатнесэ, кой-кодат эйстэдест ульнесть истят берянть, што эзть маштово вадрялгавтомс кодаяк. Сетне, конатне ульнесть витнезь-петнезь, невтить, кода христианствась сравтовсь Византиясто омбомасторга, кодамо смусть сон кандсь. Сехте содавикс мозаикась – Мария - Пазонь Авась. Сон кирди беремасонзо вишка Иисус ды ваны алов, ломантнень лангс. Сонзэ рунгозо вельтязь сырнесэ. Те мозаикась ловови Византиянь стилень классикакс, шедевракс.

Вачкамо лувось

Гелатонь монастыресь вачказь Византиянь вачкамо лувсо: ламо аркат ды тевс нолдави ансяк валаня кев. Сонсь монастыресь вачказь крёстокс. Крёстось – христианонь тешкс. Сонсь монастыресь ашти пандо прясо ды тосто неяви малава весе Грузиясь. Аркатне аштить эрьва косо: баягань аштема таркасо, маласо кудотнесэ.

Литературась

Гелатский монастырь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Лисьмапрят

Описание монастыря