Вирень тетя

Вирень тетя — эрзянь пакшатнень театрализовань налксемаст. Налксицятне 10 — 14 иесэ цёрынеть ды тейтернеть. Налксемась ютавтови кадозь умарь пиресэ, чувто куросо, вирь чиресэ. Бути истямо тарка маласо арась, эйкакштнэ сынсь озавтнить нар лангс вирень колка килеень ды укшторонь та􏰀 радкестэ, конатнень покштне Троицяс􏰀 то ускилизь кудонь мазылгавтомс.

Колканть куншкас кадыть чаво тарка киштема кирькс кужонь ютавтомс. Налксеманть смустезэ ашти кавто группатнень карадо􏰀каршо пелькстамо􏰀 сост. Васенце группась — вирень ван􏰀 стыть ды эрить, омбоцесь — вирень ко􏰀 лыть. НАЛКСИЦЯТНЕ Вирень тетя. О х о т н и к т ь — колмо цёрынеть. Идем ракшат дынармунть— тейтернеть ды цёрынеть. О в т о—цёрыне.

Налксемань кедьёнкстнэ

1. Овтонтень — ингельде шуба, шапка, лембе кемть, левшень каркс. 2. Нармунтненень — коцтонь эли лия ма􏰀 териянь парсей 7 см келесэ, кувалмонь ко􏰀 ряс — сатозо сюлмамс прянь перька. Эйзэнзэ педявтовить картонсто теезь нармунень сельмть ды нармунень нерь. Сюлмави коняс. 3. Идем ракшатненень — а покш ча􏰀 макст, теезь картонсто, пацясто, ташто шубань панкссто. Эрьва налксицясь арсе􏰀 сы ракшань чачонть эсь мелензэ коряс. Налксемстэ жо арсеви эрьва персонажонть обуцязо, эсь прянь ветямозо. 4. Вирень тетясь — чова тарадкестэ теезь шапкасо, пиже левшень эли тикшень сакал марто. Кедьсэнзэ — чувтонь чавомка — ча􏰀 калка. 5. Охотниктне оршить кие мезе машты, лавтовост трокс понгавтыть карькс ведьме марто палкань ружия. 6. Чувтонь парне — овтонтень кирдемс.

Налксемань кой􏰀кирдатне

Налксицятне кочксевить эйкакштнэнь мелест коряс. Овтонь, вирень тетянь ды охотникень рольтне максовить седе покш цёрынетненень. Налксемась ушодови идем ракшатнень ды нармунтнень «вирьс» совамостост. Вирь􏰀 сэнть весе эрить ялгаксчисэ. Тейтерькат􏰀 не􏰀нармунтне пурнавить кирьксэс, морыть весёла моро, либордыть «сёлминесэст». Цё􏰀 рынькатне􏰀нармунтне секе моронть вайге􏰀 лень лувонзо морыть вешкезь. Овтось, чиремкшнезь, кавто пильге лангсо яки вирьганть, муи ундо, тарги тосто «медь», каясы чувтонь парнес, нол􏰀 си лапанзо. Нумолотне (цёрынетне) чийнить на􏰀 ронть ланга, кирнявтнить вейкест􏰀вей􏰀 кест велькска, налксить чикордайсэ. Кодат налксемат ды кодамо вирень эринь тевть невтемс — те моли эсест налксицятнень мелест􏰀превест эйстэ. Вирьганть, чувтонь чакалкасо чавозь, яки вирень тетясь. Сон эрьва ёндо пшти􏰀 стэ ванкшны чувтотнень, мизолдозь вас􏰀 ты нармушкатнень, нумолотнень, алам􏰀 нес совси налксемазост ды таго туи вирьганть якамо эсь ванстыцянь чавом􏰀 канть эшксезь. Идем ракшатне вастыть эйсэнзэ ке􏰀 нярдозь. Овтось венстясы тензэ медь паренть, мери тензэ ламбаськавтомс кургонзо. Нармунтне совавтсызь вирень тетянть киштема кужонь кирьксэс, кармавтсызь морамо, ды сон моры мартост. Нумолнэтненень макссы чакалканзо; нонат элякалить перьканзо, чавить ча􏰀 калкасонть. Но вана вирентень салава ладсо совить колмо охотникть. Вирень тетясь сынст рединзе. Пелезь, эрьва ёнов ванкшнозь, сынь чийнить вейке чувтосто омбоцес. Вирень тетясь сайсы нумолотнень кедьстэ чавомканзо ды кекшнезь моли охотниктнень малас. Сон апак учне ары сынст икелев ды эшксы чавомканзо. Охотниктне цюркставить ве таркас. Сынь арыть рядсек􏰀рядсек, терявтыть теемс весементь, штобу вирень тетясь аволинзе редя панарост алов кекшезь ру􏰀 жияст. Вирень тетясь.Меземартосыде? Охотниктне (кокнозь).ТечиПокш пиже чи... Вирень тетясь.Содан.Мейле мезе? Охотниктне (сюконить).Мерть тенек пиже тарадт синдтремс кудонок мазылгавтомс... Вирень тетясь. Бутимазылгав􏰀 томань кисэ — мерян. Вейке охотникесь. Текемарто мазый ёвкске теть туинек... Вирень тетясь.Ёвкске?Ёвкст мон вечкан. Мон сындест мейле парсте матедеван... Ну, озатано, кунсолосы􏰀 нек... Весе озыть масторов. Вейке охотникесь. Эрясь􏰀 аштесь масторонть лангсо... Сон ёвтни кодамояк ракшань эрямодо ёвкс. Се шканть, зярдо вейке охотникесь ёвтни ёвксонть, кавтотне салава туить вирьганть якамо. А зярдо вирень тетясь матедеви, колмоцеськак туи. Весе идем ракшатне ды нармунтне те􏰀 ить икеле ладсо эсь тевест. Охотниктне апак маря молить нумолтнэнь малас, ко􏰀 нат налксить чикордайсэ, таргасызь па􏰀 нарост алдо ружияст􏰀палкаст ды аравт􏰀 сызь нумолтнэнь лангс. Вейке нумолось, охотниктнень неезь, верьга вайгельть пижакады. Идем ракшатне ды нармунтне кепедить пижнема, сайсызь охотниктнень кирьк􏰀 сэс, пирясызь кист. Охотниктне пирязь эрьва ёндо. Сынь арыть кутьмерде куть􏰀 мерьс ды аравтсызь ружияст то вейке, то омбоце ракшанть лангс. Ансяк ледемс сынст виест а саты: ракшатне ды нармун􏰀 тне пек эрязасто чарыть перькаст ды теке марто пек пижнить. Кирьксэнтень сови овтось. Охотник􏰀 тне сорнозевить. Сон апак пеле моли ма􏰀 лазост, нельгсынзе ружияст. Тандадомадонть сорнозь, охотниктне арсить кекшемс вейкест􏰀вейкест экшс — икелев кадовицясь яла кадсы тарканзо, туи лиятнень удалов. Ды истя􏰀 ня зярыяксть. Овтось, кежейстэ ванозь лангозост, рангозеви. Охотниктне кевензыть тарка􏰀 зост. Овтось кавто ружиятнень ёртсынзе чувто потс, а колмоценть венстясы охот􏰀 никтненень, мери тенст кундамс эйзэнзэ, варчамс сынст виест. Вирень эрийтне эрязасто арыть ов􏰀 тонть удалов, кундсить мельга􏰀мельцек. Охотниктне, сорнозь, а мельсэ кундыть ружиянтень. Вейке нумолось черьксты масторов черькс — тестэ ушодови виень пелькста􏰀 мось. Бороцямось моли псистэ, ансяк ви􏰀 рень эрийтне пря а максыть. Сынь уск􏰀 сить охотниктнень эсь мельгаст чув􏰀 тотнень юткова. Те шканть пелькстыцятнень малас сы вирень тетясь. Вирень тетясь (охотниктне􏰀 нень). Таго сыде апаро тевс? Таго арси􏰀 де манямон? Таго вирьс совиде ружия марто?! (Сези пиципалакст, макссынзе нумолотненень.) А ну􏰀ка, цёрынем, хро􏰀 паика вадринестэ пиципалакссонть. Ды пильге ланга, пильге ланга, кадык ледстнема таркас карми тенст улеме, кадык содыть, кода монь манчемс ды кода монь пакшатненень зыян кандт􏰀 немс. Нумолотне «эждить» охотниктнень кепе пильгест. Нонат кирнявтнить, ве􏰀 лить эсь таркасост, озыть масторов, кек􏰀 шить пильгест кувака панартнэсэ. Идем ракшатне ды нармунтне, раказь ды вешкезь, панить охотниктнень вирь􏰀 стэнть. Вирень тетясь чави эсь чакалкасонзо. Налксемась, нама, веши эйкакш􏰀 тнэнь пельде фантазия, пейдемачинь чарькодемка, ёвксонь содамо ды сынст парсте ёвтнема. Эряви арсемс тенст седе􏰀 як, кода апак корта, валтомо, ансяк пан􏰀 томима вельде невтемс нармунтнень, идем ракшатнень эрямокоест, обуцяст. Теньсэ лезды вирень эрийтнень алкук􏰀 сонь вайгелест, вешкемаст, цийнемаст содамось.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 121-125.