Васильев, Дмитрий Иванович

К:Википедия:Статьи без изображений (тип: не указан)

Дмитрий Иванович Васильев чачсь 1898 иестэ сундерьковонь 11 чистэ Оренбургонь ёнксонь Курманаевень буень Шулаевка велесэ. Эрзятнень ды мокшотнень монголонь икелень ды седе мейлень историянь ванныця-содыця, эсь эрямотаркань содыця, тонавтыця. Руз. Куломачись ды таркась а содавикс.

Эрямопингезэ

Чачсь сокиця-видиця раськесэ. Неень шкане Шулаевка велесь (истяжо Ермаковка, Ермаковонь колок) а вастневи картатнесэ. Кой-кодамо лисьмапрянь коряс веленть путыцятне эрзят эли мокшот. Велесь вельмесь Ермаков Колок таркасо, тестэ теевсь омбоце лемезэ. 1816 иестэ тосо 39 раськеть ансянь крёстазь эрзят эли мокшот. Лия лисьмапрянь коряс велесь теезель Псковонь ёндо ускозь ломаньсэ.

Васенце Весе Масторонь Торпингесэ улиця, ульнесь полонсо.

1920-1921 иетнестэ ульнесь Важодицянь-сокицянь Якстере Армиясо. Важодсь школасо историянь тонавтыцякс.
1921 иестэ прядсь торпингень-политикань курсат Елизаветградсо, неень шкане Украина Масторось.
1921—22 тонавтсь советэнь-партиянь школасо Киев ошсо
1922—23 РОНОнь прявт ды тувака тонавтсь история Чернобыль ошонь куншка школасо
1926 иестэ прядсь Харьковонь Университет.
1926-1929 иетнестэ Украина Масторонь Якстере Профессурань Институт.
1926 иестэ саезь тонавтсь Самар ошонь коммунальной университетсэ, истяжо весе историянь кафедрань прявтокс Самарань тонавтомань институтсо.
1932-1937 иетнестэ ульнесь Мордовиянь тонавтома институтонь весе историянь прявтокс ды историянь факультетонь деканокс. НИИМК-нь история секторонь прявт (1933).

Прявттевекс ульнесь эрзятнень ды мокшотнень историянь тонавтнемась татронь-монголонь самодо икеле ды мейле.

Стякодо чумондома

1937 иестэ арестовизь. Судизь: 1938 иень панжиковонь 23 чистэ. Чумондозь: советэнь каршо молемань ды националистической тевень ветямонь кисэ (руз. антисоветская и националистическая деятельность). Максть: 15 иеть лагерьсэ аштема; правань саема 5 иес. Аштесь Норильскоень лагерьсэ, Вологдасо, Иркутонь ёнкссо. Лисемадо мейле эрямо таркакс ёвтазель Красноярскоень краесь. Чумонзо каявтызь: 1956 иень даволковонь 18 чистэ.

Мекев велявтомась

1956 иестэ Мордовиянь тонавтома институтонь философия кафедрань доцент.

Сёрмадовксонзо

Эрзямокшотне ютксо революционной движениянть историязо. Саранск, 1932.
Краткая история мордовской народности. Саранск, 1932.
«Инструкцию по собиранию материалов по истории села и колхоза». Нолдыцясь - НИИМК, 1935

Ланганзо сёрмадовкстнэ

Куклин В. Н. Репрессированный декан: (К 60-летию ист. фак-та) // Мордовский университет. 1994. 3 дек.; Мордовия (2). С. 85. Лит.: Мордовия : энц. Саранск, 2003. Т. 1; Центр гуманитарных наук: история и современность. Саранск, 2008. С. 7.