Варягат

Варягат — эрзянь пакшатнень налксемаст. Эйсензэ вечкить налксеме 6 — 12 иестэ эйкакшт. Налксить ве шкане 6 — 7 эйкакшт.

Налксемань кедьёнкстнэ

Резинань оска, диаметразо 4 — 5 см.
Кирькс латкинеть осканть покшолмасо.
Вишка суликинеть цётонь теемс.

Налксемань кой-кирдатне

Валаня тингинес мельга-мельцек чувновить латкинеть — 􏰀варягат. Сынст эйстэ зняро, зяро налксицятнеде. Латкинетне улест кирькс лангс молицят ды вейкеть покшолмань коряс. Те тееви котань кочкаря вельде: кияк налксицятнестэ эцесы кочкарянзо латкинентень ды зярыяксть чаравтсы сонзэ мекев􏰀васов. Варягась лиси ванькске, валаня, мазый.

Варягатнень налксицятне кочкасызь сынсь: «Монь — васенцесь», «Монь — нилецесь» ды истя седе тов. Каить ветицянь кочкамонь жеребей. Налксеманть ушодомсто ветицясь ары пель эскельксэшкань туро латкинетнень эйстэ ды кевердьсы осканть сынст велькска. Бути оскась лотки киньгак латкинес, весе эрязасто туить чиезь кие ков понгсь. Латкиненть азорозо кепедьсы осканть ды пижакады: «Цюркставтомс!». Весе лотксить, кие косо годявсь, ды аштить стядо, апак черька. Теде мейле оскась ёртови маласо налксицянть лангс. Бути ёртыцясь ильведи, сестэ сонзэ варягантень каяви вейке суликине, оскась жо кевердеви одов. Бути жо оскасонть киньгак эшкизь, сестэ те эшкезесь «цюркставомс!» пижнемасо лоткавтсынзе чиеме туицятнень ды ёртсы осканть киньгак лангс.

Ды истя се шкас, зярс кие-бути а ильведи. Ильведицянть варягазонзо каяви суликине. Налксеманть ушодомсто кортасызь сеньгак, зярдо ильведевксэнь топавтомадо мейле лоткавтома налксеманть. Теде мейле ютавтови ильведицянть ёрокчинзэ ванкшномась.

Тень теемга черькстави кирькс 3 метрань диаметрасо. Ильведицясь аравтсынзе пильгензэ киксэнть кавто ёнга, венстясы икелев кедензэ. Ветицясь путсы осканть те кеденть лангс. Кирнявтнезь вить пильгстэ кершенть лангс киксэнть ве ёндо омбоцес ильведицясь снартни весе кинть ютамс, а правтомс осканть панжадо кедьсэ. Зяро кирькст истя кирнявтнемс, кортавтови терявтнеманть ушодомсто. Весе лия налксицятне арыть кирьксэнть перька ды киштема моронь моразь цяпить кедьсэст.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 91-93.