Ту́вонсяй (руз. Авсе́нь, овесень)— тувонь паз.

Эрси сон якшамковонь 14 чистэ. Бути кежиявты Тувонсясь, кадоват сывельтеме, нельгсынзе тулевкскеть. Кода мельгаст иля яка, кулыть левксэкс.

Тувонсясто морыльть истят морот:

Эрьва ломанест учи,
Зярдо Тувонсяй сови.
Инжеть вастасызь прякасо,
Каванясызь сывель ямсо.
Тувонсяй — тувонь паз, —
Седе ламо сывель макст!
Вай, Вере паз, мезть тейнемс, модамарьтне прядовсть,
Мейсэ андомс туляканть, Тувонсяс жо кадовсь ков.
Кувать...

Секскак эрьва азорось туляканзо печксы Тувонсясто. Ярсак, тувонь паз, седе ламо сыця иестэнть сывель максат.

Покш чугунсо пидильть каштомсо чопонь ям. Пильгетнестэ-серькатьнестэ, прястонть теильть терне. Сывельгак рестнесть.

Кой-кить тулякатнень печксызь сёксня, седеест а кирдить. Тундонь самонтень сывелест прядовиль, модамарьтнеяк маштыльть. Cыль вачо шка. Савиль саемс кескав ды сыргамс велеванть пурнамо. Кить печкилизь Тувонсясто - сывелест сатыль тундос. А кемтядо? Печкинк туляканк Тувонсянень ды сы иестэ сывеленк ули кавксть седе ламо. Варчасынек...

Лисьмапрят витнемс