Полежайкин, Сергей Иванович

покш лейтенант Важодиця-Сокиця-Видиця Армиянть, Ине Ойнань улиця, Советэнь Союзонь Мараля (1945 ие)

Полежайкин Сергей Иванович (1920 иестэ таштамковонь 14 чи Ташто Мурза велесэ1944 ие ожоковонь 10 чистэ Кретинг ош) — покш лейтенант Важодиця-Сокиця-Видиця Армиянть, Ине Ойнань улиця, Советэнь Союзонь Мараля (руз. Герой Советского Союза) (1945 ие). Эрзя[1].

Сергей Полежайкин
чачома лем Сергей Иванович Полежайкин
чачома чись таштамковонь 14 чи 1920(1920-09-14)
Чачома тарка
Кулома чись ожоковонь 10 чи 1944(1944-10-10) (24 иеть)
Кулома тарка
Мастор
казнеть ды медальть
Советэнь Вейсэндявксонь Мараля
орден Ленина орден Красного Знамени орден Отечественной войны I степени
 Сергей Иванович Полежайкин

Чачсь Сергей Полежайкин 1920 иестэ таштамковонь 14 чи Ташто Мурза велесэ[2] сокицянь-видицянь семиясо. Прядсь сисем класст ды тусь эрямо ды важодеме Андижанонь ёнксов Узбекень ССР-сэ. Якстере Армиясо 1940 иестэ. 1943 иестэ прядызе Рязанень ушмонь-автонь тонавтнемасо (руз. Рязанское военно-автомобильное училище). Панжиковсто — Ине Отечественной ойнасо улиця.

1944 иень ожоковонтень покш лейтенантось Сергей Полежайкин ульнесь 1-це гвардиянь башка мотоциклетэнь полконть 5-це гвардиянь танконь ушмонь 1-це Балтваксонь турем киксэнь ванстницянь ушмоветиекс (руз. офицером разведки 1-го гвардейского отдельного мотоциклетного полка 5-й гвардейской танковой армии 1-го Прибалтийского фронта).

Сон тюрьсь Литонь ССР-нь масторга. 194 иень ожоковонь 10 чистэ Полежайкин, кода ванстницянь пурнавксонть азор, печтизе Ланге леенть Мемеля буесэ. Ютась ятонь юткс, ды керизе модань ды чугункань китнень Кретинг ды Мемель оштнень ютксо. Тюремасоль Полежайкин ульнесь маштозь. Калмазь Кретинг ошсо[3] .

Советэнь Союзонь Мараля лемесь максозель тензэ 1945 иень эйзюрковонь 24 чистэ[3].

Полежайкинэнь лемсэ ули куро Клайпеда ошсо, Кочкур велесэ путозь-стявтозь кеврунго, ды сонзэ лемесь тешкстазь Рязанень ушмонь-автонь тонавтнемасо[1].

Сёрм.: витнемс

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2

Лисьм.: витнемс

  1. 1,0 1,1 «Мордовский республиканский объединенный краеведческий музей им. И.Д. Воронина». Герой Советского Союза Архивировазь 24 Сундерьковонь 2018 иестэ. (руз.)
  2. МОУ «Кочкуровская средняя общеобразовательная школа». Полежайкин Сергей Иванович(руз.)
  3. 3,0 3,1 Полежайкин, Сергей Иванович. Сайт «Герои Страны» (руз.)