Мейсэ "Агеев, Евгений Иванович" лопанть версиянзо явовить

а
витнемадо-петнемадо нурькине ёвтавкс арась
а
'''Агеевень Евгений Иванович''' ([[1922]] иень 16-це [[Якшамков|якшамковонь 16 чи]] чистэ Мордовиянь Тумобуень Кобалесэ) — [[Эрзя|эрзянь]] сёрмадей.
 
== Эстедензэ ==
Чачсь Евгений Агеев Мордовиянь Тумобуень Кобалесэ 1922-це иень [[якшамков]]онь 16-це чистэ. Сисем иесэ тусь школав. Тонавтнесь парсте, шныльть эйсэнзэ. Котоце классо кармась сёрмалеме кулялопас. Сыль кулялопась сонзэ сёрмадовкскензэ марто — кециль, аноколь киштемс, курго — пиледе пилес. Мейле кундась валморос-стихс, кармась кучнемест «Пионерэнь вайгель» ковставкс, «Ленинэнь киява», «Эрзянь коммуна» кулялопатнес. Тосо ульнесть печатазь зярыя стихензэ-валморонзо, ёвксонзо, ёвтнеманзо. Шка сась — кармасть тердтнемензэ юнкоронь промксов-конференцияв.
 
Мезеяк эзь кадово пельдензэ: а эйкакшке, а калмине. Ансяк ветешка-котошка сёрминеть, зяро-бути фотокувт ды… стих-валморо марто тетрадь. Фронтов туемстэ Еня (истя мерсть Женянень кудосо) кутмордызе аванзо ды тошказевсь: «Бути мезе, авай… ванстыть неть тетрадтнень. Энялдан...». Ушосонть ульнесь 1941-це иень тарьксэв [[Сёксь|сёксе]]. Фронтсто сеедьстэ кучнесь кудов сёрмат, секе тев кевкстнесь: кода тынь тосо? Мелявтсь аванзо-тетянзо, ялаксонзо-сазоронзо кисэ. Эсь прядонзо сёрмадсь нурькинестэ: «Монь тевтне парт, истожатано фашисттнэнь…». Меельце сёрманзо ало шкаськак —1943-це иень эйзюрковонь 5-це чи. Седе тов — а куш а каш. Мейле тетянзо-аванзо туртов сась раужо куля. Сынст батальононь санитаркась пачтясь: «…блиндажс, косо ульнесь Тынк цёранк, радистэсь, старшей сержантось Агеев Евгений Иванович, понгсь ятонь снаряд. Цёранк маштовсь…». Кувать калгодо вармась Енянь таркас вачкоесь тиринь кудонзо вальмас, соракавтнесь аванзо. Ансяк эзь учово Еня, эзь са…