Франгеш-Миханович, Роберт: версиятнень ютксо явовомат

''Роберт Франгеш-Миханович'' — Срем пельсусиясо чачозь. [[1889 ие]]стэ прядсь Загребэнь кедьсэ теемань училищанть. Мейле тонавтни Венасо, Прикладной искусствань школасо (1889—1894 ии.) ды Изящной искусствань академисо, Отто Кёниг ды Карл Кундманонь (1894—1895 ии.) кеврунгонтеийтнень классно. Теде мейле тонавтсь Загребэнь Прикладной искусствань школасонть. Прядызе артонь тонавтнеманзо Франгеш-Миханович Парижсэ 1900—1901 иетнестэ, косо кармась содавиксэкс О.Роден ды М.Росс марто. Зярдо сась одов чачома тарка, тонавты Загребэнь Прикладной искусствань школасо (1907 иенть видс), мейле — Загребэнь искусствань академиясо. Р.Франгеш-Миханович ульнесь ламо художественной акедемиянь улицякс ды Югославиянь томбалесеяк (саемс, Прагань Академиясо). Сон ульнесь Хорватонь артындейтнень Вейсэндявксонть (1897) вейкекс теицятнень ютксо, «Lado» фольклорной вейсэндявксонть (1904) ды Загребэнь Пек мазый искусствань академиянтьгак. Содавиксэв Франгеш-Михановичэнь тонавтницязо ульнесь сремской хорват Джоза Туркаль (Joza Turkalj, 1890—1943).

Р.Франгеш-Михановичэнь содавиксэв шкинемастонть эйстэ истят, кода Томиславонь хорватонь инязоронть алашасо кеврунгось, кона валозь 1928—1938 иетнестэ ды путозь Загреб ошсо Омбоце мирэнь торпингенть мейле, 1947 иестэ.