Прокопиу, Стефан

ЛопаПарцун:Учёный Стефан (Штефан) Прокопиу (рум. Ștefan Procopiu; якшамковонь 19-це чи 1890-це ие, Бырлад, ней Васлуй жудецсэ, Румыния — умарьковонь 22-це чи 1972-це ие, Яссы) — румынэнь физик, тонавтыця, профессор (1926), физико-математической наукань доктор (1924), Румынской академиянь действительной член (1955).Румыния Социалистической Республикань Государственной премиянь лауреат (1964).

Эрямо кизэ

1908-це иестэ саезь 1912-це иес тонавтнесь А. И. Кузы лемсэ Ясской университетсэ.

1913—1919-це иетнестэ роботась Бухарестской университетэнь ассистентэкс. 1919-це иестэ стипендиатокс кучозь Францияв, косо Парижэнь университетсэ кунсолось Габриэль Липпманонь, Мария Склодовская-Кюринь, Поль Ланжевенэнь ды лия содавикс физикень лекцият.

1924-це иень эйсюрковсто получась физико-математической наукань докторонь научной степень. Велявтсь чачома масторов ды 1925-це иень якшамковсто саезь — Ясской университетсэ гравитациянь, лембень ды электричествань профессор. Те таркасонть ульнесь 1962-це иестэ пенсияс лисемазонзо. Сестэ жо аравтозель Г. Асаки Ясской технической университетэнь профессорокс.

1948-це иень аштемковсто саезь — Румынской академиянь член-корреспондент, 1955-це иень медьковсто — действительной член.

С. Прокопиу кавксть теевкшнэсь Нобелевской премиянь максомадо комитетэнь членэкс.

Научной тевезэ

Ваннось электромагнетизма, термодинамика, электрохимия, оптика, магнетизма, спектроскопия.

1911-це иестэ васенцекс муизе ды ловнызе Боронь Магнетононть, кона истя лемдязь Нильс Боронь лемс.

Казнензэ

• 1964-це иестэ тензэ максозель Румыния Социалистической Республикань Государственной премия.
• Трудонь орден
• Румыниянь Тештень орден
• «Научной теевксэнь кис» орден.

Истя жо вант

• Магнетон Бора

Невтевкст

• Храмов Ю. А. Прокопиу Стефан (Procopiu Stefan) // Физики: Биографический справочник / Под ред. А. И. Ахиезера. — Изд. 2-е, испр. и дополн. — М.: Наука, 1983. — С. 223. — 400 с. — 200 000 экз. (в пер.)
• Прокопиу Стефан