Трагедия

Трагедия (нем. Tragödie ← лат. tragoedia ← кез.-грек. τραγωδία — сеянь моро: τραγως «сея» ды ἀοιδή / ᾠδή, ᾠδά «моро; ода») — драмань прявт жанратнестэ вейкесь. Эйсэнзэ невтевить пек пштить, сеедьстэ эрямосо а топавтовиця тевть-валт. Трагедиясь сюжетэнть юросо героенть, виев личностенть ды уцясканть, государстванть, пертьпельксэнть ды лиятнень ютксо или эсензэ марто а витевиця конфликт. Те тюремасонть героесь сеедьстэ чавови, ансяк нравственностень ёндо лиси изницякс. Трагедиясь целезэ — сыргавтомс ваныцясонть седейсэ вельмевтиця ризнэма, пичедема ды ёжомарямо. Истямо потмоёжось вети катарсисэнтень (ваньксчинтень).

Ине трагической чамакссь
Кун. IV пинге м. п. икеле
Пиреень археологической музейсь