Балакин, Пётр Георгиевич

Балакин, Пётр Георгиевич

Балакин, Пётр Георгиевич (1883 ие - 1950 ие)—, кельсодый.

Эрямо пингезэ

Чачсь неень Мородовия Республикань Ицялбуень Селища велесэ 1883-це иень аштемковонь25-це чистэ.

Прядызе Порецкоень тонавтыцянь семинариянть (1902), Саратовань тонавтыцянь институтонть (1916). 1902 – 09-це иетнестэ важодсь тонавтыцякс Горбуновской начальной (Вятской губерниянь Слободской уезд) училищасо, кавто классонь Дурникицкой (Саратовань губерниянь Балашовской уезд) училищасо. 1909 – 13-це иетнестэ – Балашовской высшей начальной училищань тонавтыця, 1916 – Астраханской 3-це высшей начальной училищань тонавтыця. 1916-це иестэ саезь – Заветнинской (теке шкане тонавтсь рузонь кельс ды литературас торговой школасо) ды Царевской высшей начальной училищатнень прявт, Астраханской губерниянь Ленинск ошонь гороно-нь 1-це прявт. 1919 – 26-це иетнестэ – Саратовань губононь эрзянь-мокшонь школань коряс нацменьшинствань куронь инструктор, ушодома школанень тонавтыцянь анокстамо эрзянь-мокшонь постоянной курсасо тонавтыця, Хвалынск ошонь нацменьшинствань куронь уоно-нь инструктор, уоно-нь прявт (Елань ош), эрзянь-мокшонь педтехникумонь ды уоно-нь прявт (Петровск ош), 1926 – 33-це иетнестэ – чугункань кинь (железно-дорожной) сисем иень школань завуч, Саратовань государственной университетсэ эрзянь келень тонавтыця, Нижневолжской краевой сов.-парт.школань ды строительной техникумонь тонавтыця, Саратов ошсо коммун.строительствань инженерэнь институтсо рабфаконь прявт ды тонавтыця. 1933-це иестэ тусь эрямо Саран ошов. Важодсь эрзянь келень тонавтыцякс, келень ды литературань кафедрань прявтокс, фил.факонь деканокс М. М. Хатаевич лемсэ МГПИ-сэ ды секе шкане медьковсто саезь – келень секциянь младшей научной сотрудникекс, 1934-це иень панжиковсто саезь 1935-це иень панжиковс – келень, литературань ды искусствань секторонь прявт, 1944 – 49-це иетнестэ – эрзянь-мокшонь секторонь научной важодиця соц. культурань НИИ-сэ. 1938 – 44-це иетнестэ – Ицялбуень средней школань тонавтыця, народной образованиянь роботникень ёрокчинь (квалификациянь) кастома Институтсо эрзянь келень коряс методист, Мордовской государственной издательствань редактор, военной заводсо оборудованиянь учётчик. НИИГН-нь архивсэ ванстовиця зярыя статьянь автор («Синтаксис номинатива и генитива в эрзянском языке», «Падежи эрзянского склонения», «Грамматика эрзянского языка» ды лият); «Эрзянь келень орфографической словарень» (1955) теитцятнестэ вейкесь. Балакин васенцекс эрзянь языкознаниясонть ваннынзе существительнойтнень, прилагательнойтнень ды местоимениятнень. Сон эрзянь-мокшонь нучной 2-це конференциясонть (1934) ловнось «Конструкция мордовского предложения» доклад. Анокстась-ютавтсь ды топавтсь тев эрзянь-мокшонь научной 3-це конференциясонть (1934 – 35-це иетне; докладозо – «О синтаксисе эрзянского языка»). 1935-це иестэ АН СССР-нь келень ды арсемань Институтсо (Институт языка и мышления АН СССР) (Ленинград ош) кунсолось Д. В. Бубрихень лекциянзо ды важодсь мартонзо эрзянь склонениянь, спряжениянь кевкстематнень коряс, эрзянь простой валрисьмень синтаксисэнь кевкстематнень коряс, топавтсь тев те институтонть «Программа для собирания материалов к диалектологическому атласу мордовских языков» роботасонзо. Кулось Саран ошсо 1950-це иень сундерьковонь 25-це чистэ.

Казнензэ

Казезь «За доблесный труд в Великой Отечественной войне 1941 – 1945 гг.» медальсэ.

Литературась

• Центр гуманитарных наук: история и современность. Саранск, 2008. С. 20 – 21.
• Мордовия, XX век: культурная элита. Саранск, 2013. Ч. 1.