Бажанов, Владимир Васильевич

Бажанов, Владимир Васильевич
Бажанов, Владимир Васильевич
чачома лем	Владимир Васильевич Бажанов
чачома чись	медьковонь 14 чи 1874
Чачома тарка	Курилова (Рамаданбуе)
Кулома чись	умарьковонь 1 чи 1955 (81 ие)
Кулома тарка	Мельцаны (Ташто Шайгабуе)

К:Википедия:Статьи без изображений (тип: не указан)

Владимир Васильевич Бажанов(чачсь 1874 иень медьковонь 14 чистэ Курилова велесэ — кулось 1955 иень умарьковсто Мельцаны велесэ) — эрзя, кулялопань сёрмадей, драмань сёрмадыця, рузонь классикань эрзянь кельс ютавтыця, Наукань Академиянь корреспондент, фольклоронь пурный. Ловови васенце эрзянь кулялопань рузонь кельсэ сёрмадеекс. Неень шкане сонзэ шкинемазо домкасто апак тонавтне.

Тонавтнемазо витнемс

Чачсь эрзянь сокиця-видицянь раськесэ, Василий — тетязо, Агафья — авазо. Тетясь куроксто кулось ды Агафья ськамонзо трясь 5 эйкакшт, ульнесь содыцякс. Эризе кувака эрямонть - 102 иеть. Олодянь васенце тонавтыцякс ульнесть Чуфаровонь монастырень монахтнэ. Мейле прядызе Чуфаровонь велень школанть, ламо ловнось сонсь. Тонавтнемась мольсь вадрясто ды секс сон экстернокс максынзе Симбирской губерниянь гимназиянь экзамент ды тензэ максозоль раськень тонавтыцянь лем. Ялатеке тонавтыцякс сон зярдояк эзь важоде, вожодсь писарекс волостень правлениясо ды винань теемань заводсо Мокшалей ды Чуфарово велетнэсэ, вирень приказчикекс Инзасо, лувонь-коень содыцякс Саранскойсэ.

Урьвакстома витнемс

Никс саизе Хлыстовка велень 18 иень сокиця-видицянь раськень тейтерь — Евдокия Надькинань. Сынст чачсть 10 эйкакшт.

Шкинемань ушодксось витнемс

Васенцеде В.В.Бажановонь сёрмадовксонзо лиссть XIX пингень песэ — "Симбирский вестник" кулялопасо ды прявтошонь "Воскресение" кулялопасо. 1904 иестэ лиссть 5 ёвтнеманзо, тосо ёвтнезель волостень прявтнэде, губерниянь судиядо ды лия а покш прявтнэде, конатне ялатеке нарьгасть ломань лангсо.

Кулялопатнень нолдамось витнемс

Васенце кулялопанть, конанть кармась нолдамо Бажанов В.В. 1907 иестэ, ульнесь "Цераломань" (руз. Мужик) кулялопась. Ярмакт макссть заводонь важодицят, либеральной купецт ды Кожевников типографиянь кирдий. Лиссть 22 нолдавкст. Те ульнесь Пензань губерниянь васенце периодикань нолдавкс, конась алтазель кепетемс политикань ды культурань содамочинть. Кулялопась ёвтнесь Вийкирдиень Думань тевтнеде, печатась рузонь ды омбомасторонь кулялопасто саевкст, лия ошонь кулят, педагогикань коряс сёрмадовкст, ёвтнемат, валморот, печатась кулялопав кучозь сёрматнень. Аламонь-аламонь кулялопась велявтсь политикань ки лангс: сон тердсь идете Думав кочказь ломантнень, Думань пекстамодо мейле.

Тиражось кузсь малава 9600 экземплярс. Кулялопантень сёрмалесть Симбирск ошсто, Инзасто, Ромаданбуестэ, Корсунстэ, Судосевасто.
22-це нолдавксонть мейле В.В.Бажанов ульнесь арестовазь, нилень кирда судязь ды кучозь нинзэ марто ссылкав 2 иес Вологодской губернияв. Ссылкасо кулость кавто вишка цераэйкакшонзо.

Велявтомадо мейле, киньдяк арасель мелезэ максомс тензэ важодема тарка ды савсь туемс эрямо Чаунзав.

1912 иестэ, велявтомадо мейле, кармась нолдамо од кулялопа - "Саран ошонь кулят" (руз. Саранские ведомости). Те кулялопанть кенерсть лисеме ансяк 14 нолдавкст пекстамодо икеле.
Евдокия Ефремовна низэ истяжо снартнесь нолдамс "Земляк" кулялопа, ансяк яволявтомась ульнесь кардазь.

1913 иестэ каясь яволявтома нолдамс "Важодиця" (руз. Труженик) кулялопа, ансяк лисемодо арась содамочись.

Этнографиянь ды фольклоронь пурнамось витнемс

Эрзянь ломанекс улицякс сон тейсь покш тев эрзянь келень ды эрзянь койтнень тонавтнемстэ, сынст ванстомасто, эрзянь сокиця-видицянь эрямост ванномасто. Сон ульнесь академик А.А.Шахматовонь информантокс. Секе шкане каясь Наукань Академияс яволявтовкс, косо согласясь пурнамс эрзянь фольклор ды этнографиянь тевть.
Секень лангс апак вано, сонзэ пурназь материалтнэ ды сёрмадовкстнэ те чис лововить вадрясто апак ванно.

Революциядо мейле витнемс

Революциядо мейле велявтсь эрямо Курилово тиринь велентень. Инжекс тосо сыненст совсесь Илларион Яушев, раськесь ульнесь музыкань вечкиця. Се шкане сёрмалесь аламо. 1928 иестэ теевтеви Адвокатонь коллегия ды В.В.Бажанов сови тозонь улицякс. Эйсэнзэ ловсть паро ломанекс ды лувтнэнь содыцякс, конась эзь пеле молемс од вийкирдийтнень каршо.
1937 иестэ арестовизь Борис цёранзо, мельганзо ялаксонзо цёранть - Василий Гавриловичень, конась ульнесь Ташто Шайговонь райкомонь васенце секретарекс. Сынь ледезельть 1938 иестэ кода буржуазной-националистической блоксо аштицят. Теде мейле тевесь пачкодсь Владимира Васильевичень видс, чумокс аравтызь эсеронь партиясо аштеманть, большевиктнэнь марто а молемась 1918 иестэ, ушодость ланганзо стяконь кортнемат ды чумондома сёрмань сёрмалемат. Текень марто ульнесь озавтозь.
Лисемадо мейле эрясь Евгения тейтерензэ кедсэ, Мельцансо. Кулось 1955 иестэ, калмазь Саран ошсо, ташто калмазырьсэ. Аволь умок калмонзо лангсо стявтозель кеврунго.

Сёрмадовксонзо витнемс

Ёвтнемат:
"Келейница"
«Волостной суд»
«Сельский сход»
«Серый и белый»
«Старшина»
«В сельской лавочке»
Ютавтовкст:
А.П.Чеховонь "Эчке ды чова" ёвтнеманть эрзянь кельс ютавтомась
Вологодской губерниянь этнографиянь коряс материалтнэнь 4 пелькст