Бабань киресэ

Бабань киресэ — эрзянь пакшатнень налксемаст. Эйсензэ вечкить налксеме 9 — 15 иестэ цёрынеть кизна ды тельня.

Налксемань кедьёнкстнэ

Бабань кире — эчкеоска, потмозо эцезь моцюдалкссо эли пи􏰀 лявкссо, лангозо ламоксть тапарязь чова карькссэ.
Чувтонь цётмарт мендязь пе марто. Эйстэст зняро, зяро налксицятнеде.
Эльницянь цётмар. Мендязь песэнть а покш латкине, конань вельде кирдеви ветневиця киресь.
Парго латкт, чувозь модас, тельня — ловс, диаметраст 25 см, сэрест 20 см. Эрь􏰀ва налксицянть — эсензэ парго латкозо.

Налксемань кой􏰀кирдатне

Кочксеви валаня, тикшевтеме эли ле􏰀 дезь тикшесэ вельтязь налксема пакся. Саеви 5 м кувалмосо карькс, ве пезэ сюлмави чавозь колияс, омбоцесь — апак чавозес. Те колиясонть, прок цир􏰀 кульсэ, ютавтови паксяванть кирькс. Те кирьксэнть ланга чувновить латкинеть (паргинеть), козонь мейле кармить ке􏰀 верькшнеме бабань киренть. Паргинет􏰀 нень перька ютавтовить вишка кирькст. Истямо жо паргине чувови налксема паксянть куншкас.

Тельня паргинетнень ды паксянть валносызь ведьсэ ды кельмевтьсызь. Теде башка ве эскельксэнь туро парги􏰀 нетнень эйстэ чувовить а покш латкинеть, конатнень налксицятне вельтясызь кочка􏰀 рясост ды терявтыть а кадномс сынст: бути кие маняви, эльницясь капши арамс тар􏰀 казонзо. Сестэ налксицясь туи эльнеме. Налксеманть ушодомсто весе пурнавить куншкасо паргонть перька, нолдасызь пар􏰀 гонтень цётмарост. Кие􏰀бути эйстэст ке􏰀 педьсы верев бабань киренть ды серьгеди:

Штердсь бабинем пона суреть,
Цюлкань􏰀варьгань кодамкас.
А киринесь кедьстэ кеверсь —
Колянь (эли лия лем) паргинентень прась.

Теде мейле сон киренть ёртсы паргон􏰀 тень. Налксицятне сеске цётмарсост ливтьсызь киренть паргостонть ды ёрто􏰀 вить вишка латкинетнень саеме. Кинень латкинесь а саты, се ули эльницякс. Эльницясь путсы бабань киренть кун􏰀 шкасо паргонть ваксс, кевердьсы чире􏰀 ванзо ды туи ветямонзо налксицятнень ёнов. Сонзэ тевезэ — ёртомс киренть ко􏰀 дамояк паргс. Налксицятне идить эсь паргост, чавсызь киренть эсест вакссто. Бути эльницянтень удалы ёртомс бабань киренть паргинентень, сестэ паргонь азо􏰀 рось полавтсы тарканзо — туи эльнеме.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 30-31.