Амирхан, Фатих Зарифович
Фати́х Амирха́н (алкуксонь лемезэ: Мухамметфаты́х Зари́фович Амирха́нов, тат. Фатыйх Әмирхан, Fatıyx Əmirxan); чачсь якшамковонь 1-це чистэ,1886 иестэ, Казань ошсо — кулось эйзюрковонь 9-це чистэ 1926, Казань ошсо) — татаронь сёрмадей ды публицист.
| Амирхан, Фатих Зарифович | |
|---|---|
| печк. Фатыйх Әмирхан печк. فاتح اميرخان | |
 | |
| чачома чись | якшамковонь 1 чи 1886 |
| Чачома тарка | |
| Кулома чись | эйзюрковонь 9 чи 1926[1] (40 иеть) |
| Кулома тарка | |
| Важодема ёрокчизе | сёрмадей, публицист |
 Фатих Зарифович Амирхан | |
Эрямозо
витнемсЧачсь якшамковонь 1-це чистэ 1886 иестэ Ново-Татарской велесэ, «Иске Таш» мечетень имамонь раськесэ. Тонавстнесь сехте популярной се шкане «Мухаммадия» медресесэ.
1905—1907 иетнеэ важодсь «Тербиете-этфаль» (Од ломанень кастома-тонавтома) журналонь секретарекс Москов ошсо. 1907 иестэ лади эрьва недлянь «Эль-Ислах» кулялопа Казань ошсо.
1909 иестэ ютавты татаронь кельс эсперанто тонавтома книганть.
1912-1917 иестэ ашти националистической «Кояш» (Чи) кулялопань прявтокс, сёрмады «Анг» художественной журналсо ды «Ялт-йолт» юморонь журналсо. Ульнесь Габдулла Тукаень ялгакс.
Ф. Амирханонь эрямозо ульнесь пешксе вешнемасо, кемемань коламосо, майсемасо. Сон пек кемсь революциянь лангс. Сон ульнесь «западникекс» татаронь культурань одс чачомасо. Амирхан пек кецясь Даволковонь революциятнеть. Ды паро мельсэ вастызе 1920 иестэ Татаронь АССР теевеманзо.
Меельце чинзэ Амирхан эринзе аволь васоло чачома таркасто - Ново-Татарской велесэ, Покш Якстере куронь кудосо.
А пичкавтовиця ормазо (кавонест пильгензэ эсть яка), Васенце Весе Масторонь Войнанть 1914 иень стакачинзэ, Гражданской войнась, Рав лангонь вачочись ветице Амирханонь мистицизмачис.
Сёрмадеесь кулось эйзюрковонь 9-це чистэ 1926 иестэ ды калмазь мусульманонь калмозырьсэ тетянзо ды покштянзо вакссо.
Лецнемазо
витнемсКазань ошонь Од-Савиновской районсо Фатих Амирханонь лемсэ лемдезь проспект.
Литературась
витнемс- Аги Ф. Амирхан // Литературная энциклопедия: В 11 т. Т. 1. — М.: Изд-во Ком. акад., 1930. — Стб. 112.
Невтевкст
витнемс- Валеев Н. Фатих Амирхан: Неизвестные страницы // Татарстан. — 2005. — № 9.
- ЛопаПарцун:Из КЛЭ
Лисьмапрят
витнемс- ↑ 1,0 1,1 1,2 Амирхан Фатих Зарифович // Большая советская энциклопедия (руз.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.